Butun dunyoda “Hujjatul Islom” nomi bilan ulug'lanib kelayotgan Imom Аbu Homid G'azzoliy rohimahullohning asarlari muqaddas Islom dinimizning asosini yoritib berishda necha asrlardan beri qimmatli manba vazifasini o'tab kelmoqda. Qo'lingizdagi ushbu “Qalbning davosi” nomli risolada dunyoning yomonliklari, nafsning tarbiyasi, riyoning oqibatlari, qanoatli bo'lish, tavozening fazilati, kibrning davosi va boshqa zaruriy mavzularda so'z yuritilib, ular o'quvchiga sodda va ravon uslubda bayon qilib berilgan.