Саҳобия аёлларнинг ибратга тўла ҳаётлари барчамизга намунадир. Уларнинг хайрли ишлари, жасоратлари ва қаҳрамонликлари, мана, асрлар оша тилларда достон бўлиб, Ислом умматини эзгуликларга ундамоқда. Хадижа розияллоҳу анҳонинг фидокорлигини, Ойша онамизнинг фақиҳалигини, Фотима онамизнинг жасоратини, Умму Аморанинг шижоатини, Асмо бинти Абу Бакрнинг матонатини, Умму Ҳаром бинти Милҳоннинг фаросатини ўқиган, билган аёлгина маърифатли, маънавиятли авлодни камол топтира олади. Ушбу китобда саодат асрининг солиҳа аёллари ҳақида сўз боради.