Мазкур китоб бугунги кунда кўзга кўринган ҳанафий мазҳабининг етакчи уламоларидан бири Иорданиядаги Халқаро исломий илмлар университети «Ҳанафий фиқҳи» факультети профессори, доктор Профессор Салоҳ Абул Ҳожнинг “Ҳидоятул муҳтор фи масаилил ҳайзи ван нифаси вал-аъзари (“Ҳайз, нифос ва узр соҳибларига алоқадор масалаларга жавоб излаётганлар учун тўғри йўл”)” номли асарининг таржимасидир. Ушбу китоб ислом фиқҳига оид ҳайз, нифос ва узрли ҳолатлар билан боғлиқ ҳаётий, долзарб ва замонавий 463 та масалани ўз ичига олган. Саволларга ҳанафий мазҳаби фақиҳларининг ижтиҳодий қарашлари асосида Профессор Салоҳ Абул Ҳож жавоб берган. Китоб мазкур масалаларга оид билим ва кўникмаларни янада мустаҳкамлашга хизмат қилиши билан аҳамиятлидир.