Мазкур китобда одоб-ахлоқи, муомала маданияти, хайр-саховати билан ибрат бўлган ва Пайғамбаримиз томонидан ҳаётлик чоғида жаннат хушхабари берилган саҳоба Абдураҳмон ибн Авфнинг ибратли ҳаёт йўли, хайрли амаллари ишончли манбалар асосида ёритилган. Китобда, шунингдек, бу муборак зотнинг панд-насиҳатлари, дуолари ҳам ўрин олган. Китоб сўнгида мавзуга доир муҳтарам олимларимизнинг вақтли матбуотда эълон қилинган мақолалари, ул зотнинг зиёратгоҳлари ҳақидаги маълумотлар билан ҳам танишасиз.