«Qayerdaki hayot bo‘lsa, o‘sha joyda insoniyat paydo bo‘lgandan beri unga yashash imkonini beradigan iymon bor. Va iymonning asosiy belgilari hamma joyda va hamisha bir xil. Har qanday iymon kimga bo‘lmasin va qanday bo‘lmasin, javob bergan bo‘lsa, iymonning har qanday javobi insonning cheklangan hayotiga cheklanmagan narsaning maʼnosini baxsh etadi va bu maʼnoni azob-uqubatlar, muhtojliklar, o‘lim mahv etolmaydi. Binobarin, faqat iymondagina hayotning maʼnosini va yashash imkonini topish mumkin» — Lev Tolstoy birmuncha ikkilanishlardan so‘ng tugal xulosaga kelganida ellik yoshlar bo‘sag‘asida edi. Shundan keyin o‘ttiz yildan ortiqroq umr ko‘rdi. Sakson yoshlar atrofida qariyb bir necha o‘n yillardan beri jurʼat qilolmayotgan ishga jazm qildi: islom dini va uning payg‘ambari Muhammad (s.a.v.) hayotini o‘rgandi. Mazkur to‘plamda aynan o‘sha izlanishlar samarasi bo‘lgan «Hazrati Muhammad (s.a.v.) o‘gitlari» va «Iqrornoma» Tolstoy talqinida taqdim etilmoqda.