Mazkur kitob so‘nggi ikki yuz yil mobaynida dunyo olimlari, sharqshunos va faylasuflari eʼtiborini tortib kelayotgan musulmon tasavvufining ilk davridan to hozirgi kungacha bo‘lgan rivojlanish bosqichlarini ilmiy xolislik bilan yoritishga bag‘ishlangan. Bu yerda tasavvuf o‘zgaruvchi va rivojlanuvchi ijtimoiy-maʼnaviy hodisa, Xudo, olam va inson mohiyatini botiniy bilishning tasavvufiy usul va amaliyoti, musulmon jamiyati xos ahli (elitar qatlami)ning fikrlash va hayot tarzi sifatida ko‘rib chiqilgan. Kitobda tasavvufning musulmon jamiyatining boshqa institutlari bilan o‘zaro taʼsiri masalasi, ayniqsa, zohidlarning dunyoviy hayotdan uzoqlashishdan to asta-sekin unda faol ishtirok etishgacha bo‘lgan ming yildan ortiqroq tarixiy rivojlanish jarayoni ilmiy dalillar asosida bayon etilgan. Asardan soha mutaxassislari, shuningdek, tasavvufiy dunyoqarash, islom dini tarixi bilan qiziquvchi ilm ahli foydalanishlari mumkin.