Ushbu asar tasavvuf ilmidagi eng mashhur va ishonchli manbalardan biri bo'lib, u buyuk mutasavvif, orif olim Imom Abul Qosim Abdulkarim ibn Havozin ibn Abdulmalik ibn Talha ibn Muhammad an-Nishopuriy al-Qushayriy qalamiga mansubdir. Asar tasavvuf ilmining asosiy tushunchalari, ahli tariqatning odob-axloqi, ruhiy tarbiya usullari va qalb poklanishining yo'llarini mukammal tarzda bayon qiladi. Muallif so'fiylikni bid'at yoki havoyi nafsga berilgan yo'l emas, balki Qur'on va sunnatga asoslangan ma'naviy tarbiya maktabi sifatida asoslab tushuntiradi. Kitobda tavba, sabr, shukr, ixlos, taqvo, tavakkul, zikr, muhabbat, ma'rifatulloh kabi muhim maqom va hollar keng sharhlanadi. Shuningdek, ilk so'fiy zotlarning qisqacha tarjimai hollari keltirilgan bo'lib, ularning hikmatli so'zlari ibratli hayot yo'llari o'quvchiga ruhiy ozuqa beradi.