«Men Yusuf» Qur’onning eng go‘zal qissalaridan biri Yusuf alayhissalom qissasining badiiy talqini bo‘lib, o‘quvchini ushbu qissa ortida yashiringan go‘zal hikmatlar bilan yuzlashtiradi. Asar davomida bir qator savollar o‘rtaga tashlanadi: Yusuf alayhissalom quduqda kechirgan tunlarida nima his qildi? Aka-ukalarining hasadini qanday qabul qildi? Misrga qul qilib olib ketilganida bu holatga qanday munosabatda bo‘ldi? Zulayho fitnasi qarshisida o‘zini qanday tutdi? Mahkumlikda o‘tgan yillar Yusuf alayhissalomni qanday tarbiyaladi? Ya’qub alayhissalom og‘ir hijronga qanday sabr qildi? Uzoq yillardan keyingi uchrashuv Yusuf alayhissalom, otasi va aka-ukalari uchun qanday kechdi?