Bu kitob inson hayotidagi eng muhim masalalardan biri - o‘lim va undan keyingi holatlar haqida so‘z yuritadi. Asar insonni dunyoviy hayotga qattiq bog‘lanib qolishdan ogohlantirib, oxiratni yodga olib yashash, hayotning har bir lahzasini ma’naviy komillik va taqvo bilan o‘tkazish zarurligini ta’kidlaydi. Unda o‘limning og‘irligi, qabr hayoti, farishtalarning so‘rog‘i, qayta tirilish, hisob-kitob, jahannam va jannat manzaralari keng qamrab olingan. Muallif bu mavzularni Qur’oni karim oyatlari, Payg‘ambarimiz sollallohu alayhi va sallam hadislari va solih zotlarning hikmatli so‘zlari bilan asoslab beradi. Kitob o‘quvchini nafsni tarbiyalash, gunohdan yuz burib, yaxshilikka intilish, dunyoga aldanmaslik va har doim oxiratni yodda tutishga da’vat etadi. Imom G‘azzoliyning samimiy va ta’sirli uslubi, qalbga ta’sir qiluvchi naqllari va ibratli hikoyalari bu asarni nafaqat ilmiy, balki ma’naviy, tarbiyaviy jihatdan ham boy manbaga aylantiradi.