Ayol - eshik ostonasi. Bu ostona bir umrlik hamrohining barcha sir-u asrorlarini o‘z ichida saqlaydi. Ayol - nozik xilqat, degan gap ko‘pincha o‘z tasdig‘ini topmaydi. Undagi kuch, sabr va jasoratni ta’riflashga ba’zida tillar ojiz. Payg‘ambarlar, avliyolar, ne-ne mutafakkirlar, podshoh-u boyonlarning tarbiyachisi ham shu munis zotlardir. Ushbu kitob ayollarga yuzlanib, qalblarini isloh qilishga, hayotiy qiyinchiliklar oldida yechim topishga undaydi. Ularga sirdosh tutinadi, xushxabarlar beradi. Asarda hazrati Havvodan to Qur’onda urg‘u berilgan fazilatli ayollar, o‘tmishda o‘tgan mukarrama zotlar, xususan, sahobiyalar hayotidan qissalar, ibratlar keltirilgan.