Ахлоқ-одобда намуна зот - Пайғамбаримиз Муҳаммад Мустафо соллаллоҳу алайҳи васалламнинг муборак ҳадиси шарифларини инсонларга етказиш ҳар даврда муҳаддисларнинг энг шарафли вазифаси бўлган. Бу анъана ҳозирги кунимизга қадар давом этмоқда. Мазкур китобда қирқ ҳадиси шариф ва уларга ёзилган шарҳ ва изоҳлар жамланган. Ҳадислар соғлом имон-эътиқод, юксак одоб-ахлоқ, маънавият, хуллас, комил мусулмон учун муҳим бўлган фазилатлар каби мавзуларни қамраб олган. Ушбу китоб маданиятимиз ва маърифатимиз янада камол топишига ёрдам беради деган умиддамиз.