Ёшларнинг жамиятда тутган муҳим ўрнини ҳис этган ҳолда, уларнинг ҳаётидаги муаммоларга, ёшлар тўқнаш келадиган мураккаб вазиятларга нисбатан амалий ва илмий-маърифий кўмак бериш ҳар биримизнинг масъулиятли вазифамиз ҳисобланади. Эътиборингизга ҳавола этилаётган ушбу китобча муборак Шом диёрининг бугунги кундаги уламоларидан бири, диний ва дунёвий-тиббий илмлар билимдони Муҳаммад Хойр Шаъолнинг мавъизаларига таянган ҳолда тайёрланди. Бу мавъизалар айнан бугунги кун ёшларига бағишлангани, уларда ёшларни қийнаб келаётган масалалар атрофида сўз юритилгани диққатга сазовордир.