«Сиз излаган ечим» — тез-тез сўраладиган бир қатор ҳаётий ва фаразий саволларга жавоб берувчи китобдир. Албатта, қўлланма жавоб излаганлар учун жуда фойдали бўлиш билан бир қаторда, ғам чекканлар учун зарурий малҳам ва ҳамроҳ бўлишига умид қиламиз. Муаллифга йиллар давомида жуда кўплаб саволлар келиб тушган ва у киши имкон қабар уларни жавобсиз қолдирмаган. Саволлар турли касб эгалари томонидан берилгани боис, турфа мавзуларни қамраб олади. Жавоблар эса батафсил, Қуръони карим, ҳадиси шарифлар ва улуғ имомларимизнинг манҳажларига мувофиқ тарзда берилган. Асар бир қатор ижтимоий масалалар, шахсий ривожланиш, касбга бўлган ёндашув, пухталик, илмга чанқоқ бўлиш, руҳий баркамоллик, ўзгаларга ёрдам бериш каби инсоний фазилатларга доир мавзуларни кенг баён қилади.