Мазкур китобни тайёрлашда Самих Йолачаннинг «Маснавийдан ёшларга ҳикоялар ва саволлар» китоби, шунингдек, «Маснавий»га ёзилган бир неча шарҳлардан фойдаланилди. Шарҳлар ўзбек халқ мақоллари, мумтоз адабиёт намуналари, муҳтарам олимларларимизнинг фикрлари ва саодат асри ривоятлари билан тўлдирилди. Ҳар ҳикоят шарҳи сўнгида «Мавлоно Румийдан 10 олтин ўгит» рукнида «Маснавий» ҳикматларининг насрий баёнлари берилди. Китобнинг «Маснавийдан ибратли ҳикоятлар» ва «Маснавийдан ҳикматли сўзлар» бўлимлари ҳам Сиз азизларга манзур бўлишидан умидвормиз.