Мусулмон киши ҳар қандай ҳолатда ҳам зикрга эҳтиёж сезади, у билан қалби ором топади. Зикрнинг кучи билан инсон жуда кўплаб яхши натижаларни қўлга киритиши мумкин. Бу нарса катта-катта китобларда ўз ифодасини топган, қолаверса, зикрнинг манфаатини кундалик ҳаётимизда ҳам кўплаб бор кўрганмиз. Ушбу китоб ҳам айнан ўша зикрлар, кундалик вирдлар борасида таълиф этилган бўлиб, унда ўша кундалик вазифаларнинг тартиби, адади ва Қуръону ҳадислардан кучли далиллари ўз ифодасини топган. Асар китобхонларнинг қалбларидан яхши жой эгаллаб, уларнинг маърифатини юксалтиради, деган умидимиз бор.