Муҳтарам китобхон! Ҳужжат-ул ислом Имом Ғаззолий қаламига мансуб мазкур асарда илмнинг фазилати ва жаҳолатнинг чиркинлиги, нафс йўлидан юриш, унга алданиш энг катта хато эканлиги ҳаётий ҳикоятлар орқали баён қилинган. Хусусан, жаҳолатнинг бир қисми ҳисобланмиш нафс домига тушмаслик, нафсни жазолаш борасидаги саҳоба ва тобеинлар, асҳоби киромлар ҳаёти билан боғлиқ тарихий ривоятлар ўқувчиларни руҳан ва маънан баркамоллик сари етаклайди.