Қиёмат қачон бўлишини Аллоҳ таолодан бошқа ҳеч бир зот билмайди. Бу улкан ҳақиқат Қуръони каримда кўп марта таъкидланган. Жумладан Аллоҳ таоло «Аъроф» сурасида: «Сендан соат (қиёмат) қачон собит бўлиши ҳақида сўрарлар. Сен: «Унинг илми фақат Роббим ҳузуридадир..», деб айт...», деган. Албатта, қиёматнинг қачон рўй беришини фақат Аллоҳнинг Ўзигина билади. Лекин Пайғамбаримиз соллаллоҳу алайҳи васаллам қиёмат аломатлари ҳақида бир қанча ҳадислар айтганлар. Ушбу тўпламда асосан, мазкур ҳадислар жамланган.