Ушбу китоб бутун Ислом оламида машҳур бўлган энг кўп асар ёзиш билан танилган, “Риёзус солиҳийн", "ал-Азкор", "Арбаъийн" каби асарлар муаллифи Абу Закариё Яҳё ибн Шараф Нававий роҳимаҳуллоҳнинг тасаввуфга бағишланган “Бўстонул орифийн" китобидир. Унда муаллиф роҳимаҳуллоҳ Исломнинг мадори бўлган ҳадислар, қалб касалликларини даволаш, тақдирга иймон, Аллоҳ таолога бўлган ишонч, ихлос, таваккул, тақво каби фазилатли амаллар ҳақида Набий соллаллоҳу алайҳи васалламнинг ҳадислари, улуғ зотларнинг сўзлари, ўзининг Шарҳ ва изоҳлари, солиҳлар ҳаётидан турли ибратли ҳикоятларни ҳам келтирган. Аллоҳ таолодан ушбу асарни халқимиз учун манфаатли қилишини сўраймиз.