Халқимизнинг бой маънавий меросини ўрганиш ҳар доим долзарб мавзу бўлиб келган. Сўнгги вақтларда республикамизда маънавий-маърифий соҳаларга катта эътибор қаратилаётгани, хусусан, Президентимизнинг 2017 йил январь ойидаги китоб мутолааси ва китобхонлик маданиятини оширишга қаратилган Фармойишлари бу борадаги саъй-ҳаракатларимизга янги куч бағишлади. Чунки китобга эътибор маънавиятга, маърифатга, келажакка эътибор деганидир. Мазкур китобда ота-онага хизмат қилишда фарзанд диққат қилиши лозим бўлган хусуслар Қуръони Карим оятлари, ҳадиси шарифлар ва ибратли ривоятлар асосида баён этилган. Ота-она розилигини олиш ҳаммамизга насиб этсин!