Энг муносибини танлаганди Мавло. Пайғамбарнинг ёнида яхши танитувчилар бўлиши лозим эди. Тадқиқ қилувчилар, савол сўровчилар, суриштирувчилар, кузатувчилар, ривоят этувчилар... Бу танланган кишилар шу қадар диққатли ва эътиборли бўлишлари талаб этилардики, шу чоққача ўтган ва келажакда келадиган наслларнинг саволларини сўрашлари, жавобларни қайд этишлари лозим эди. Замонасининг моҳиятини етказа оладиган, унинг ҳар бир онини кўздан қочирмайдиган... закий бўлиши, қолаверса, кўнгил олувчи, Пайғамбар соллаллоҳу алайҳи васалламни доим қўллаб-қувватлайдиган ва жонидан ортиқ яхши кўрадиган бўлиши талаб этиларди... У рафиқ ва шафиқ кўнгил Абу Бакрнинг қизи Оиша эди.