Ушбу китоб Имом Ғаззолийнинг шоҳ асарларидан бири бўлиб, китобда диннинг қирқ асоси ўз аксини топган. Асарнинг ютуқларидан бири содда тилда таълиф этилиб, гўзал ташбеҳлардан унумли фойдаланилганидадир. Ҳозиргача ҳам муаллифнинг кўплаб асарлари она тилимизга ўгирилиб, халқимизнинг жавонларию қалбларидан ўрин олиб улгурган. Ўйлаймизки, маърифатпарвар халқимиз учун ушбу асар ҳам яхшигина ҳадя бўлиб, маънавий оламлари юксалишига ўз таъсирини кўрсата олади.