Фақиҳларнинг буюги ва валийларнинг устуни деб шарафланган атоқли олим Абу Закарийё Яҳё ибн Шараф ан-Нававий қаламига мансуб ушбу "Риёзус солиҳийн" (Солиҳлар гулшани) китоби битилганига салкам саккиз юз йил бўлди. Шунча йил ўтган бўлса-да, ўзининг саҳиҳлиги, ишонарлилиги, дақиқлиги, Қуръони Карим ва Суннати набавийя асосида инсониятни ҳидоятга чорлаш, ахлоқини ўнглашда катта хизмат қилиб келмоқда.