Асҳоби киромлар Расулуллоҳ соллаллоҳу алайҳи васалламни тасдиқ этдилар ва жоҳилиятдан юз буриб, Исломга кирдилар. Улар туфайли Ислом дини куч-қувватли бўлди, равнақ топди. Асҳоби киром розияллоҳу анҳумлар Куръон ва суннатни маҳкам тутиб, ўзларидан кейинги умматларга муносиб тарзда етказдилар. Уларнинг ҳам орасида яна бир қанча улуғ зотлар борки, тарих китобларида ушбу саҳобаларга нисбатан "Ашараи мубашшара" номи қўлланилади. Бу сўзнинг маъноси “хушхабар берилган ўн киши" деганидир. Уларга Расулуллоҳ соллаллоҳу алайҳи васаллам тирикликларидаёқ жаннат хушхабарини берганлар. Ушбу китоб ана шу ўн саҳобанинг умр йўлларини имкон қадар кенгроқ ёритишга, ёш авлод учун муносиб ибрат-намуна қилиб кўрасатишга бағишланган.