Фақиҳ Абу Лайс Самарқандий ҳазратлари ушбу китобда ғофилларга танбеҳ бериш маъносида ўқувчини қадам-бақадам тарбиялаб боради. Дастлаб ихлос ҳақида ва амалларнинг қабул бўлиш шартларини тушунтиради, сўнгра ўлимдан, Қиёматда инсон бошига тушажак ҳодисалардан огоҳ этади. Шунингдек, ёлғон, ғийбат, чақимчилик, кибр, ҳасад каби иллатлардан холи бўлиб, гуноҳлардан тийилишга, тавба қилишга ундайди. Ушбу китобда тафаккур қилувчилар учун ибратлар бисёрдир.