Sulamiy hazratlari baʼzi asarlarida nafsga, aniqrog‘i, insonning maʼnaviy tarbiyasi va ruhiy kamoloti bilan bog‘liq fikrlarga to‘xtalgan bo‘lsa, bu kitobda ularning qisqacha mazmuni, yaʼni qaymog‘ini taqdim etadi. Fikr-mulohazalarni kitobxonni zeriktirmaslik uchun, asosan, oyat va hadislardan iborat qo‘shimcha maʼlumotlar bilan yana-da anikroq ochib berishga harakat qildik. Shuningdek, bunday maʼlumotlarni muallifning boshqa kitoblari va taniqli olimlarning asarlaridan olingan iqtiboslar bilan kengaytirishni maqsadga muvofiq deb bildik.