"Masnaviy"ni sharh bilan o'qish o'quvchiga yanada zavq-shavq beradi, tafakkurini kengaytiradi, Rumiy ijodiga, mumtoz adabiyotimizga qiziqishini kuchaytiradi. Mazkur kitobni tayyorlashda birlamchi manba sifatida professor Mehmet Demirchining "Mesnevi hikayelerinden dersler" kitobi, shuningdek, Masnaviyga yozilgan sharhlar, Alisher Navoiy, Abdurahmon Jomiy, Ahmad Yassaviy, Boborahim Mashrab, Sufi Olloyor kabi mumtoz shoirlar, ayrim o'rinlarda keyingi davr ijodkorlarining asarlaridan va boy ma'naviy merosimiz bo'lmish o'zbek xalq maqollaridan foydalanildi.