«Hujjatul islom» Imom G‘azzoliy mazkur asarida komil va namunali musulmon bo‘lishning yo‘llari, islomning inson kamolotidagi o‘rni va ahamiyatini qirq uchta bob asosida tadrijiy tarzda bayon qiladi. Asarda ilm, ma’rifat, ruhiy tarbiya, nafs va aql, hayo, sog‘lom e’tiqod, ixlos va riyo, qalbga keluvchi vasvasalarni bartaraf etish yo‘l - yo‘riqlari, til ofatlari, insonning botiniy (ichki) olami, qul haqlari, kamtarlik, tavba, sabr, umid, shukr, tavakkal, niyat, sidq (to‘grilik), rizo, giybat, futuvvat, insonlarga marhamat kabi masalalar oyat va sahih hadislar, shuningdek, o‘tmishdagi ulug‘ allomalarning so‘zlari orqali sodda va ta’sirli yoritilgan. Asar ma’rifatimiz yanada kamol topishiga yordam beradi.