Ba’zilar sukut qilib yig‘laydi... Ba’zilar esa yozib yig‘laydi. So‘zlar gohida jismoniy jarohatdan ham qattiq azob beradi. Jonimizni og‘ritadi. Xuddi Ishq kabi... Ishq bor. Unday bo‘lsa, oshiqlarning qusuri yo‘qdir. Zero, qalbimizga ishqni joylagan ham U, barcha duo- iltijolarimizni eshitguvchi ham U, badanni ruhidan bir libos kabi chiqargan ham U (Alloh)dir. Ey aziz o‘quvchim! Barchasi Allohdandir. Ishq ham Undan... Dard ham Undan... Darmon ham Undan. Biroq qandaydir yanglishish, xato topsangiz, u mendandir. Nuqsonlarni yashirguvchi ham yagona Allohdir va Uning marhamati barchamizdan ziyodadir. Ammo g‘arib ko‘nglim: "Ishq bo‘lsa, nuqson yo‘qdir", deb nido qilmoqda. Aybga buyurmang, ey kitobxonim... Barchasi ishqdandir...