Aziz dindoshim! Qo‘lingizda turgan ushbu kitobni Muhammadiy tarixning muhim sanalarini o‘z ichiga olgan navbatdagi solnoma shaklidagi siyrat kitobi ekan, deb hisoblashga shoshilmang. Ushbu kitob shayx Safiyyurrahmon Muborakfuriyning dunyoga mashhur "ar-Rahiqul al-maxtum" nomli siyrat kitoblarining muxtasar shakli bo‘lib, uni ma’nolarini saqlab qolgan holda hajman qisqartirish ishlari shaxsan muallif rahimahulloh tomonidan amalga oshirilgan. Kitobni o‘qir ekansiz, sahih hadislar hamda ishonchli tarixiy faktlarga asoslangan, jozibadorligi, ayni paytda sodda uslubi bilan o‘quvchilarni o‘ziga rom etgan mazkur kitob bejizga Butunjahon Islomiy Robitasining siyrat yo‘nalishidagi eng oliy mukofoti sovrindori bo‘lmaganiga ishonch hosil qilasiz. Shunday ekan, muhtaram dindoshim, pok nabaviy siyrat bulog‘ining rabboniy qatralaridan yana bir bor bahramand bo‘lishga marhabo!