Барча жонзотларни йўқдан бор қилган, уларга бу тириклик дунёсида ризқ берган ва маълум бир вақтдан кейин вафот эттирадиган Зот Аллоҳ таолодир. Хусусан, инсонлар ҳам бу ҳаёти дунёда фонийдир. Ҳар бир инсонга қанча умр ва қандай ризқ тегишини фақат Аллоҳнинг Ўзи билади. Инсон маълум вақт дунёда бўлганидан сўнг Мангу Ҳаёт - охират диёрига ўтади. У ерда эса инсонни бу ҳаёти дунёда қилиб ўтган ишларининг мукофоти ёки жазоси кутади. Қўлингиздаги ушбу китоб, ана шу охират диёридаги жазо ва мукофотлар жаннат ва дўзах ҳақида хабар беради.