Vasvasa bilan shak shaytonnning o‘tkir quroli, qalb bilan bog‘liq illatlardir. Bular iymon-e’tiqodimizga xilof bo‘lib, odamlar o‘rtasida riyokorlik, manmanlik, kibr-havo va badgumonlik urug‘larini ekadi. Natijada insonlar bir-biriga ishonmay qo‘yadi, xudbinlik to‘niga o‘ralib yashashga odatlanadi. Bu narsa dinimiz ko‘rsatmalari va talablariga ziddir. Mazkur risolada ayni illatlarni bayon etish barobarida ulardan qalbni poklash, o‘nglash va muolaja qilish usullari haqida so‘z boradi. O‘ylaymizki, bu illatlarni yaqindan bilib olgan o‘quvchilar shayton vasvasasi va shak-shubhalaridan uzoq bo‘lish harakatini qiladilar.