"Asharai mubashshara” iborasi "bashorat qilingan oʻnlik" degan ma'noni bildiradi. Hayotliklaridayoq jannatiy boʻlishlari haqida Rasululloh sollallohu alayhi va sallam mujda bergan oʻn nafar ulug' sahobiy shu nom bilan atalgan. Bular Abu Bakr Siddiq, Umar ibn Xattob, Usmon ibn Affon, Ali ibn Abu Tolib, Talha ibn Ubaydulloh, Zubayr ibn Avvom, Sa'd ibn Abu Vaqqos, Abdurahmon ibn Avf, Sa'id ibn Zayd, Abu Ubayda ibn Jarroh roziyallohu anhumdir. Ahli sunna val jamoa aqidasiga koʻra, Asharai mubashsharani tasdiq etish shart. Ushbu kitob ana shu oʻn nafar ulug' sahobiyning hayot yoʻllari va fazilatlari haqida soʻzlaydi.