Muborak Ramazon oyini munosib tarzda o‘tkazish, fazilatlaridan fayziyob bo‘lish, barakotidan bahra olish har bir mo‘minning orzusidir. Qo‘limizdagi ushbu risola bizga ayni shu masalada yordam beradi. Yaʼni Ramazon oyi eng katta savdo oyi ekani, unda oxiratning anvoyi neʼmatlariyu jannatlarni “xarid” kilish mumkinligi, shuningdek, Allohu Karimning O‘zi ro‘zadorlarni alohida ikrom qilishi sodda, xalqchil tilda, hayotiy misollar bilan bayon etilgan. Kitobcha kichkina bo‘lsa-da, undan olam-olam maʼnolar topishingiz tayin. Ramazon oyi butun musulmonlarga muborak bo‘lsin!