Qur’on va sunnat xazinasi shunday muborak va fayzli xazinaki, biz uning bor haqiqatini, miqdorini bilishdan ojizmiz. Ammo islom ulamolari bu ganjdan imkon qadar foydalanib, sizu bizga juda qimmatli bo'lgan asarlarni meros qoldirishdi. Biz ham o'sha nodir asarlardan foydalangan holda, Alloh qodir qilganicha, iymon, tavhid, duo, Ismi A’zam, tasbeh va zikr, tavba va istig'for, Qur’onning fazilatlari, dunyodan o'zni saqlash kabi mavzularni tadqiq qilib, erkagu ayol musulmonlarga birday kerak bo'ladigan fazilatli ibodatlarni jamlashga harakat qildik. Xato va nuqsonlari bizga, yutuq va fasohati ulug' olimlarga oiddir.