Islom tarixida Payg‘ambarimizning muborak hayotlari va benazir xulqlariga bag‘ishlab yozilgan siyrat kitoblari talaygina. Alixonto‘ra Sog‘uniyning "Tarixi Muhammadiy" kitobi ham shulardan biridir. Muallif Paygambarimiz hayotlarini tarixiy manbalar va haqqoniy hujjat-dalillar asosida bayon etish barobarida o‘z tomonidan sharhlarni ham keltirib o‘tishi bilan kishi eʼtiborini tortadi. Bu esa asar qadr-qimmatini yanada oshiradi. Asar tili va bayon uslubi sodda va samimiy. Mazkur kitob o‘quvchilarga manzur bo‘ladi, degan umiddamiz.