Hadisi sharifda taʼkidlanganidek, ilm oʼrganish har bir muslim va muslimaga farzdir. Maʼlumki, har bir ishni oxiriga yetkazish va uni mukammal ado etish uchun unga oid ilmlarni oʼrganish asosiy omil hisoblanadi. Insonga hamma ilmlarni oʼrganishi farz emas. Balki hozir bajarilishi lozim boʼlgan amalning ilmini bilishi kerak. Shunda bajaradigan ishi nuqson va kamchiliklardan xoli va ilm asosida qilinganidan mukammal boʼladi. Ushbu kitobda ilm olishga oid barcha zaruriy masalalar atroflicha yoritilgan. Mazkur asar ilm olish istagida boʼlgan har bir kishiga dasturulamal boʼlib xizmat, qiladi, Inshaalloh.