Yer yuzidagi hamma narsani sarf qilganingda ham, ularning qalblarini birlashtirolmagan boʼlarding. Lekin Аlloh ularni birlashtirdi. Chunki U Gʼolib va Hikmatli Zotdir! Balogʼat davridan boshlangan ishq imtihoni baʼzan keksalikkacha davom etadigan bir jarayondir. Lekin biz "Ishq imtihoni" kitobida mehr toʼla yuraklarning, sevikli juftini axtarayotgan ukalarimiz, singillarimiz duch keladigan tur- li muammolarni yozish bilan chegaralandik. Xoʼsh, yoshlar bevaqt va yolgʼon sevgiga aldanmasdan, hayotda oʼz yoʼllarini topa oladilarmi? Oila qurib, saodat yoʼllarida barqaror davom eta oladilarmi? Xotirjamlik va huzur-halovat makonini qanday axtaradilar? Uni qanday taniydilar? Oilaviy va ijtimoiy toʼsiqlarni qay tarzda oshib oʼtadilar?