1953 yil DNK strukturasi kashf etilgach, yer yuzidagi barcha jonzotlarning hayot kodi maʼlum bo‘ldi. Bu misli ko‘rilmagan kashfiyot edi. Galdagi qadam ana shu kodni o‘zimiz yoza olishimiz, uni buzib, qayta tahrirlashni o‘rganish edi. Hayot kodini qayta yoza olsak, biz nafaqat turli tug‘ma genetik kasalliklardan va saratondan xalos bo‘lishimiz, balki tanamizni istalgan shaklda – rangimiz, mushaklarimiz hajmi, kasallikka qarshi immunitetimizni o‘zimiz istagan tomonga o‘zgartirishimiz mumkin bo‘lardi. Uolter Ayzekson genetik kodni buzishga katta hissa qo‘shgan olim, Nobel mukofoti laureati Jennifer Daudnaning faoliyati, tadqiqotlari haqida hikoya qilar ekan, shu bahonada gen muhandisligi vujudga kelishi jarayonidagi murakkabliklar, axloqiy masalalar, olimlar o‘rtasidagi raqobatlar, ilmiy kashfiyot va ixtirolar qanday qilinishini o‘quvchiga qiziqarli shaklda so‘zlab beradi. Leonardo da Vinchi va Stiv Jobsning muallifi Nobel mukofoti sovrindori Jennifer Daudna va uning hamkasblari kasalliklarni davolash, viruslardan himoya qilish va sog‘lomroq chaqaloqlarga ega bo‘lish imkonini beradigan inqilobni qanday boshlagani haqidagi jozibali hikoyasi bilan qaytdi.