2001-yilda 15 yoshli fin o'quvchilari o'qish, matematika va tabiiy fanlar bo'yicha "Xalqaro o'quvchilarni baholash dasturi" (PISÁ)da eng yuqori ball olgani butun dunyoni hayratda qoldirdi. PISA testi natijalari sabab Finlyandiya maktablarining ta'lim tizimi eng yaxshisi deb tan olingach, dunyoning barcha qit'alaridagi pedagoglar fin hamkasblarining siri nimada ekanini bilish uchun ularning tajribalarini o'rganishga kirishdilar. Xelsinkidagi maktabda ikki yil ishlagan amerikalik o'qituvchi Timoti Uoker fin maktablaridagi muvaffaqiyatning zamirida juda oddiy tamoyil — o'quv jarayonlarida quvnoq muhit mavjudligini ta'kidlaydi. Qisqa o'quv kuni, yengil uy vazifalari va kamroq testlar bu — faqat samarali ta'lim tizimining tashqi jihatlari xolos. Uoker o'z kitobida fin ta'lim tizimi qanday tashkil etilgani, nima uchun o'quvchilar bilan ularning baholarini muhokama qilish kerakligi, bolalarga erkinlik berish va ular bilan birgalikda kunni rejalashtirish o'g'il-qizning mustaqil bolishiga qanday yordam berishi, devorlardagi ko'rgazmali materiallarning haddan ziyod ko'pligi o'zlashtirishning pasayishiga olib kelishi, nega tanaffus payti o'qituvchi bolalar bilan birga o'ynashi muhimligi kabi masalalar haqida hikoya qiladi. Ushbu kitobda muallif o'zbek maktablarida ham go'llash mumkin bo'lgan 33 ta strategiyani taklif etadi.