Mazkur qoʻllanma kimyodan imtihonlarga tayyorlanuvchi abituriyentlar, kimyo fani repetitorlari uchun yozilgan boʻlib, undan akademik litsey, kollej, maktab oʻqituvchilari va oʻquvchilari ham foydalanishlari mumkin. Qoʻllanma uch qismdan iborat. Birinchi qism umumiy kimyoga, ikkinchi qism anorganik kimyoga,uchinchi qism organik kimyoga bagʻishlangan.Qoʻllanma abituriyentni maʼruza matnlari yozishdan xalos etish, koʻproq test yechtirish hamda kimyo repetitorlariga dars oʻtishni osonlashtirish maqsadida tuzildi. Qoʻllanmada asosan DTM testlarini yechish uchun zarur maʼlumotlar manbalari bilan birga berilgan. Bu nashr akademik litsey va kasb-hunar kollejlari darsliklari hamda DTM tavsiya etgan oʻquv qoʻllanmalari asosida yangi maʼlumotlar bilan toʻldirildi, 2012-yilgi nashrdagi xatolar tuzatildi, yangi maʼlumotlar kiritildi. Shu jumladan, qoʻllanma oxiriga ilova qilingan “Testlarni yechish namunalari” bobiga 2013–2015-yillarda tuzilgan test variantlari yechimlari ham qoʻshildi (jami 191 ta test); “Kimyoning asosiy hisoblash formulalari” maʼlumotnomasiga yana 5 ta boʻlim kiritildi (jami 23 ta boʻlim).