Ushbu kitobda Ozod Mo‘min Xo‘janing turli yillarda yozilgan eng yaxshi fantastik hikoyalari jamlangan. Ularda o‘zga sayyoraliklar va Yer odami o‘rtasidagi munosabatlar inson ma’naviyatidagi evrilishlar asnosida o‘z aksini topganligi bilan e’tiborga molik. Taniqli adibimiz Xudoyberdi To‘xtaboyevning ta’biri bilan aytganda, inson yaxshilik va ezgulikka intilib yashasa, o‘zining barcha orzulariga erishishi mumkinligi yoki, aksincha, zo‘ravonlik, xiyonatkorlik, o‘zgalarning haqini yeyish va boshqa shaytoniy istaklar og‘ushida yashagan kimsalarga jazo muqarrarligini muallif fantastik voqealar orqali tasvirlaydi.