Mening g'azabim nima bo'ladi, lord Stark? - ovozi boyagidan ancha yumshab qolgandi. Ko'zlari Nedning yuziga tikilgandi bu safar. - Qirollikni o'zingizga olib qolishingiz kerak edi. Meni ol, deb turgandi. Jeymi Qirol Diyoriga kelgan kun uni Temir Taxtdan topganingizni aytib bergandi menga. Qilishingiz kerak bo'lgan yagona ish zinadan yuqorilash-u, taxtga o'tirish edi xolos. Naqadar dahshatli xato. - Shunchalar ko'p xato qildimki, sanab sanog'iga yetolmaysiz, -dedi Ned. - Biroq taxtga o 'tirmaslik bu xatolar sirasiga kirmaydi. - O, ha, shunday, milord, - kinoya qildi Sersei. — Taxt o'yinida yo g'olib bo'lasiz, yo o'lasiz! Bu ikkovidan boshqa tanlovingiz qolmaydi!