Atoqli ingliz adibi Lyuis Kerroll (1832-1898) o'zining ikki ertagi - «Alisa Koʻzguorti o'lkasida» va «Alisa Mo'jizalar mamlakatida» bilan jahon adabiyoti tarixida o'ziga xos iz qoldirdi. Kutilmagan g'aroyib sarguzashtlarni boshidan kechirgan Alisa, mana, qariyb bir yarim asrdan beri dunyo bolalarining sevimli qahramoniga aylangan. Lyuis Kerrollning har ikkala ertagi allaqachon jahon bolalar adabiyotining mumtoz namunalari qatoridan joy olgan. Quyida Mohira Otaboyeva tomonidan Moskvadagi Ayris-Press nashriyotida chop etilgan «Alisa Mo'jizalar mamlakatida» ertak-qissasinining soddalashtirilgan nashri (Lewis Carroll. Alice in Wonderland, M., 2002) tarjimasi havola etilmoqda. Alisaning bir-biridan g'aroyib fe'lli jonzotlarga to'la mamlakatga qilgan sayohatida siz ham hamroh bo'ling!