Frantsuz fantast yozuvchisi Jyul Vern oʼtgan asr oʼquvchilarining sevimli yozuvchisi hisoblanganiga shubha yoʼq. Oʼsmir borki, uning xayolotidan, yozganlaridan hayratlangan. Ishonarli tasvirlar, aqli bovar qilmas kashfiyotlar oʼquvchini mulohazaga, tasavvur qilishga oʼrgatgan. Bugun, oradan qariyb bir asr vaqt oʼtib ham oʼquvchilar Jyul Vern asarlariga ehtiyoj sezadi. Nega? Oyga sayohat qilish yoxud suv ostida qolishga hozirgi oʼquvchilar fantastika emas, real tasvir deb qarashlari sababdir balki? Balki Jyul Vern xayolotidan hayratlanish mutolaaga turtki boʼlayotgandir? Balki qahramonlar psixologiyasi tasvirlarida oshkoralik kitobxonni jalb qilgandir?... Nima boʼlganda ham, Jyul Vern oʼz haqiqatlarini berkitmadi, barchasi kitobxonga havola. Nashrdan chiqqan ushbu asarlar mutolaasi sizga mushtoq... Muhokamani keyinroq davom ettiramiz.