Bizga tarixan ildizlari tutash bo'lgan turklarning o'ziga xos oshxona madaniyati, taomlari dunyoga mashhur. Undan o'zimizning taomlarimizga aynan o'xshashlarini ham, mutlaqo o'zgachalarini ham topishimiz mumkin. Turkiya Prezidenti Rejep Tayyip Erdo'g'anning rafiqasi Emina Erdo'g'an boshchiligida tayyorlangan mazkur kitobda sog'liq uchun foydali va ortiqcha isrofgarchiliksiz tayyorlanish jihatlari bilan ajralib turadigan taomlar va yeguliklar o'rin olgan. Kitob ustida mashhur oshpazlar, akademiklar va ko'plab mutaxassislar ishlagan. Tarixiy turk oshxonasiga mansub taomlar retsepti va tayyorlanish ta'riflari keltirilgan. Ta'kidlash joizki, retseptlarda taomlarning sog'liq uchun foydali ekani, an'anaviy, isrof qilmasdan tayyorlanish xususiyatlariga e'tibor qaratilgan.