Mazkur kitob ichki kasalliklar propedevtikasi oʻquv rejasiga mos ravishda yozilgan va II-III kurs talabalariga moʻljallangan. U an'anaviy yozilgan qo'llanmalardan bir muncha farq qiladi. Darslikda ichki kasalliklar propedevtikasi fanining negizini tashkil etuvchi bemorlarni obyektiv tekshirish ko'nikmalarini bajarish suratlarda koʻrsatilgan va jadvallar ko'rinishida keltirilgan. Bunday yondashish talabalarning amaliy ko'nikmalarni mukammal egallash imkoniyatlarini yanada kengaytiradi. Shuningdek, kitobda keng tarqalgan kasalliklar va zamonaviy asbobiy tekshirishlar to'g'risida ham II-III kurs talabalari o'zlashtirishi lozim bo'lgan darajada axborotlar berilgan. Bularning barchasi darslik ilk bor klinikaga qadam qo'ygan bo'lg'usi shifokorlarning yaqin yordamchisiga aylanadi, deyishga asos boʻladi.