Abu Rayhon Beruniyning ushbu asari amaliy astronomiya, geodeziya, geografiya masalalariga - yashash joylarining geografik koordinatlarini, ularning azimut va masofalarini aniqlashga, yoritkichlarning balandliklariga ko‘ra ekliptikaning osmon ekvatoriga og‘ish burchagini hisoblashga va turli tarixiy davrlardagi tengkunlik holatlarini aniqlashga bag‘ishlangan. Beruniy, qadimgi davr va O‘rta asr Shark olimlarining mazkur masalalarni hal qilishdagi yutuqlariga tanqidiy yondashgan holda o‘zi erishgan natijalarni ham bayon etadi. Qator astronomik asboblarning, jumladan, o‘zi ixtiro qilganlarining ham tavsifini keltiradi. Ushbu kitobda Beruniyning geografik, tabiiy-ilmiy va tabiiy-falsafiy qarashlari, uning hayoti va ijodi haqida ko‘p ma’lumotlar keltirilgan hamda mukammal so‘z boshi va ilmiy izohlar berilgan. Asar astronomlar, matematiklar, geodeziya mutaxassislari va IX-XV asrlardagi O‘rta Osiyo fani, tarixi bilan qiziquvchi kitobxonlar ommasiga mo‘ljallangan.