Ушбу тўплам "Аслият” лойиҳаси силсиласидаги илк қадамдир. Унда адабиётга оид мақолалар, таржима ва суҳбатлар жамланди. “Аслият” лойиҳасининг мақсади адабиёт, тилшунослик, тарих, жамиятшунослик, сиёсатшунослик каби илмлар доирасида тадқиқотлар қилиш; шу пайтгача илмий жамоатчилик эътиборидан четда қолган ёки таҳрирланган- ўзгартирилган асарларни асл ҳолатида нашр этиш; аждодларимиз ва умуминсоний маданий мероснинг аслига етиб бориш учун янгича қарашлар, методлар, мезонлар асосида илмий-адабий, тарихий-сиёсий, ижтимоий-маданий тадқиқотларни жамлаш. "Аслият” туркумидаги ушбу биринчи китоб “Сўз аҳлидан сўз” деб аталди ва унда адабиётшуносликдаги янгича қарашлардан иборат мақолалар ўқувчилар ҳукмига ҳавола этилмоқда.