Tildagi har bir so‘z muayyan xalq tarixi, madaniyati va turmush tarzidan darak beruvchi jonli timsol, harakatdagi xaritadir. So‘zdagi ma’no tovlanishlarini ilg‘ash, har kuni qo‘llaydigan so‘zimiz qatidagi jilvani his etishning o‘zi kishiga olam-olam zavq baxsh etadi. “Qiziqarli ona tili” nomi ostida tavsiya etilayotgan ushbu qo‘llanmadagi har bir maqola ertaga siz yozadigan yirik ilmiy asarning debochasi bo‘la oladi.