“Қонунлар руҳи ҳақида” асари - француз маърифатпарвар файласуфи, тарих, ҳуқуқ ва давлат назарияси билимдони Шарль Луи Монтескьенинг марказий асари ҳисобланади. Ушбу асарнинг асосий мавзуси ва унда ҳимоя қилинадиган асосий қадрият бу сиёсий эркинликдир. Бу эркинликни таъминлашнинг зарурий шарти эса адолатли қонунлар ва давлатчиликни тўғри ташкил этишдан иборат эканлиги таъкидланади. Монтескье бошқарувнинг табиати ва принциплари ўртасидаги мувофиқликни ўрнатади. Асарда республика учун асосий принцип – сиёсий фазилат, монархия учун – шараф, деспотизм учун эса – қўрқувдир, деган қараш илгари сурилади.